Lé 25 d'Dézembre 2016
Un Jour dé Noué ensolilyi,
lé vîngt-chîn d'Dézembre fait bein bé;
i' vente eune brise, eune soûffliéthie
d'eune saîson raîsonnabl'ye dé Noué,
et ch't' année tout a 'té aidgu
auve du hèrtchîn à touos les bords,
et deux mille seize veindra à but,
deux mille seize es'sa bétôt hors.
J'avons survêtchu eune année,
acouo eune année auprès tout;
né v'là l'an deux mille seize pâssé -
acouo eune sèm'thie, un avoût.
No comments:
Post a Comment