Thursday 2 July 2015

Lé Conmité

Né v'chîn la poésie d'aniet, tch'appathaît ichîn pouor la preunmié fais, d'not' auteu du mais, Geraint Jennings:

Here's today's previously unpublished poem by our author of the month, Geraint Jennings:

Lé Conmité
Lé tou d'la tabl'ye les grôsses grises têtes cahuchent;
lé pouor et l'contre êchangis d'bort' en aut';
les ardguments - des coutchieaux qu'nou-s'adguche
pouor sâbrer toutes les tchestchions, bâsses ou hautes.

Les minnutes sont approuvées - l's heuthes tchi pâssent
font l'tou d'la tabl'ye du sens d's adgulles d'hôlouoge.
Y'en a tchi jouent l'rouai - et d'aut's tchi jouent l'as;
nou pique des tchestchions pouor qu'toutes les reues cliogent.

Nou fait un protêt, pis nou-s'est d'accord;
nou s'accorde coumme des clioches à l'heuthe tchi sonne;
nou change d'avis en votant du même bord;
nou vithe dé bord coumme l'ardgument bourdonne...

No comments: