Wednesday 17 December 2014

Quand un p'tchiot est né - When a child is born

Quand un p'tchiot est né
When a child is born

Eune lueu d'espé trélûthe dans lé ciel,
et bein à haut y'a eune p'tite êtaile,
et partout ou s'lève, chutte neuve matinnée:
chennechîn s'adonne quand un p'tchiot est né.

Un souhait sans vouaix vaile ès ochéans,
et dans les bouais nou ouait l'changement d'vent;
les muthâles du d'so lus sont êcrouôlées:
chennechîn s'adonne quand un p'tchiot est né.

Eune rôsée tchait tch'est tout d'couleu d'rose;
nou c'menche à craithe êt' sauf pouor eune pause.
Et achteu tout l'monde en sembl'yent rasseûthés:
chennechîn s'adonne quand un p'tchiot est né.

Et tout chennechîn s'adonne viyant qu'lé monde sont à espéther, espéther un p'tchiot - nièr, blianc, jaune, n'y'a fis d'âme tchi l'sait... mais un p'tchiot tchi s'en va grandi et touônner les lèrmes en ris, la haine en amour, la dgèrre en paix et châtchun à san vaîthîn, et la mînséthe et la souffranche s'sont des mots à oublier à tout janmais.

Ch'est raîque un rêve, nou-s'en est dêfait,
mais tôt ou tard tout chenna s'sa vrai;
et partout ou s'lève, chutte neuve matinnée:
chennechîn s'adonne quand un p'tchiot est né.

No comments: